गजल - शान्त भूमि बुद्द्धको देश जलेकै छ I

कृष्ण जलन "बेसहारा"

फुजेल,१ - खुदीटार, गोरखा

हाल: दुबई यु.ए.ई.

शान्त भूमि बुद्द्धको देश जलेकै छ अझै पनि

वीरले रगत पोखेको देश गलेकै छ अझै पनि !

भाषण मात्र धेरैभए देशमा शान्ति ल्याउछु भन्ने

हत्या हिंसा गोला बारूद चलेकै छ अझै पनि !

मेटिए कि सम्झौतामा लेखिएका पंति हरु

थोरै बिरोध तर टायर बलेकै छ अझै पनि !

युद्धकालमा कतिमरे आमाका काख रित्तै भए

बिना कारण निर्दोष शरीर ढलेकै छ अझै पनि !

गणतन्त्र आएपछी सबै समान हुन्छ भन्थ्यौ

घुसखोरी र अत्याचार त चलेकै छ अझै पनि !

नेता जति कुर्सि मोही जनामा छ छोई छिटा

परिवर्तित खोक्रो भाषण चलेकै छ अझै पनि !

{शान्त भूमि बुद्धको देश जलेकै छ अझै पनि

वीरले रगत पोखेको देश गलेकै छ अझै पनि !!}